Audio | Video

Pehle Ima(n) Ki Hifazat Hai Koi Khel Nahi
Shirk Bhi Ala Karahat Hai Koi Khel Nahi

Gar Ye Sajda Hai To Lazim He Bura Hi Hoga
Jo Ye Bosa Hai To Ulfat Hai Koi Khel Nahi

Hukm-e-Mazhab Ko Nibahte Hain Hqiqi Sufi
Jaan Meri, Ye Tariqat Hai Koi Khel Nahi

Tha Koi Hashr Me Jo Apni Sifarish Karta
Ye Faqat Unki Himayat Hai Koi Khel Nahi

 Ek Sajde Se Bacha Len Jo Karodo Mujrim
Ye Bhi Makhsoos Shafa’at Hai Koi Khel Nahi

Tum Ko Moosa Jo Tamanna Thi Wo Humne Pai
Humko Aglo Pe Fazilat Hai Koi Khel Nahi

Jurm-e-Akbar Bhi Dafa Hanste Huye Karte Hain
Jaan-e-Jaana Ki Sharafat Hai Koi Khel Nahi

Jaan Ke Hote Huye Jaan Ke Laale Hote
Jaan Har Jaan Ki Rahat Hai Koi Khel Nahi

 Gair Ki Hamd-o-Sana Me Na Utar Jana Kaneez
Jaan-e-“Sayyid” Ho, Sa'adat Hai Koi Khel Nahi