Hum Hain Bekhauf Ke Maula Hai Humara Waris
Chaman-e-Khaar Hai Dil Aur Chaman-aara Waris

Dil-e-Muztar Ka Yahan Kaun Sahara Waris
Dil-e-Aasi Ka Faqat Ek Hi Nara Waris

Aarmeedah Hai Jigar Kal Ki Tapish Se Kyun Ki
Daman-e-Zard Ka Saya Hai Tumhara Waris

Yun Rasaai Hai Ghulamo Ko Khuda Tak Tere
Tera Waris Hai Khuda Tu Hai Humara Waris

Dar-o-Deewar Se Ajmer Nazar Aata Hai
Aur Gumbad Se Madeene Ka Nazara Waris

Aasiyo Hi Ke Liye Aathon Peher Jari Hai
Barabanki Me Tere Faiz Ka Dhara Waris

Ek Tumne Hi Nibha Rakhi Hai Mujhse Warna
Log Kar Lete Hain Sayyid Se Kinara Waris