Matam Haram Hai Miya(n) Yun Hum Nahi Karte
Zikr E Husain Karte Hain Matam Nahi Karte

Jisne Tamasha Deen Ka Hone Se Bachaya
Hum Uska Tamasha Sar e Aalam Nahi Karte

Apna Koi Marta He To Rote Hain Usi Din
Ghum Dil Me Rakha Karte Hain Matam Nahi Karte

Matam Agar Me'yaar Hai Ishq E Husain Ka
Kyun Salaha Fir Unka Yu(n) Matam Nahi Karte

Matam Ke Shor o Gul Pe He Allah Ki Lanat
Yu(n) Eid To Kar Lete Hain Matam Nahi Karte 

Matam Se Rok Kar Gaye Nana Husain Ke
Kyun Unke Farameen Pe Sar Kham Nahi Karte

Shuhada e Pak e Karbala o Ahle Bait Pe
Hum Fakhr Kiya Karte Hain Matam Nahi Karte

'Sayyid' Ye Riwayat Bhi Hai Mashhoor Khuda Se
Momin Kabhi Shaheed Ka Matam Nahi Karte